Þýskaland: Sabitzer með sturlað mark í sigri Leipzig

Hertha Berlin og RB Leipzig áttust við í þýsku deildinni í dag og áttu gestirnir ekki í neinum vandræðum í Berlín.

Marcel Sabitzer kom Leipzig yfir á 28. mínútu en markið var gjörsamlega sturlað. Hann fékk þá knöttinn langt fyrir utan teig andstæðingana, lét vaða og boltinn söng í samkeytunum fjær. Frábært mark hjá Sabitzer.

Staðan var 1-0 allt þar til tuttugu mínútur voru til leiksloka en þá skoraði Nordi Mukiele og kom Leipzig í vænlega stöðu. Það var svo ungverski miðvörðurinn Willi Orban sem kláraði leikinn undir lokinn.

Nú er Leipzig einungis tveimur stigum á eftir Bayern Munchen en Þýskalandsmeistararnir töpuðu í gær. Hertha er einungis markatölu frá fallsæti.