Sölvi Geir fékk rautt í fyrra.
Arnar Gunnlaugsson, þjálfari Víkings, var spurður að því eftir jafnteflið gegn KR í kvöld af hverju hann hefði ákveðið að byrja með þriggja manna varnarlínu.
Víkingur byrjaði með þrjá miðverði; Halldór Smára Sigurðarson, Kára Árnason og Sölva Geir Ottesen.
„Mér fannst það einhver sexý saga, miðað við hvernig leikurinn var í fyrra að láta Sölva spila. Hann stóð sig hrikalega vel," sagði Arnar.
Í leik KR og Víkings í fyrra fengu allir þrír miðverðir Víkinga í þeim leik - þeir sömu í kvöld - að líta rauða spjaldið.
„Við enduðum með 11 menn inn á vellinum, þannig að það var töluverð bæting," sagði Arnar léttur, spurður að því hvort hann hefði séð mikla bætingu frá leiknum eftirminnilega í fyrra gegn KR-ingum.
Hægt er að sjá allt viðtalið við hann hér að neðan.
Athugasemdir
