Það átti sér stað óhugnanlegt atvik í leik Breiðabliks og FH í Pepsi Max-deildinni í gær.
Jason Daði Svanþórsson, leikmaður Breiðabliks, lagðist í grasið og var færður í læsta hliðarlegu. Hringt var í sjúkrabíl og var kallað eftir lækni úr stúkunni.
Jason Daði Svanþórsson, leikmaður Breiðabliks, lagðist í grasið og var færður í læsta hliðarlegu. Hringt var í sjúkrabíl og var kallað eftir lækni úr stúkunni.
„Það sem sást í útsendingunni var að Jason Daði var að skokka til baka eftir að hafa misst boltann og svo hægir hann á sér og virðist vera að missa andann eða finnur fyrir einhverskonar eymslum í brjóstkassanum og svo leggst hann bara niður og þurfti svo aðstoð."
„Það er eiginlega lygilegt að einhvað svona sé að gerast miðað við það sem gerðist á Parken þegar C. Eriksen hneig niður, það er grafarþögn á Kópavogsvelli," skrifaði Arnar Laufdal Arnarsson, í textalýsingu frá leiknum.
Fótbolti.net hafði samband við Jason í dag og var leikmaðurinn nokkuð brattur.
„Ég er ágætur, það er ekki komið í ljós hvað gerðist. Ég fer í fleiri rannsóknir í vikunni. Ég fékk að fara heim í gærkvöldi," sagði Jason við Fótbolta.net.
Jason ræddi einnig við Vísi um atvikið.
„Ég átti bara erfitt með andardrátt og var illt í hausnum. Sjúkraþjálfarinn kom til mín, hjálpaði mér í gegnum þetta og það er allt í góðu núna. Ég fór í myndatöku og það er allt í góðu með hjartað. Ég fékk hausverk og svima en get rosa lítið sagt hvað gerðist," sagði Jason við Vísi.
Athugasemdir
