„Þetta var okkar langheilsteyptasti leikur í sumar. Við vorum mjög ferskir sérstaklega í fyrri hálfleik þar sem við lögðum grunninn að þessum flotta sigri í dag," sagði Bjarni Jóhannsson, þjálfari Vestra, eftir 0-3 útisigur sinna manna á ÍR í 2. deild karla í kvöld.

Lestu um leikinn: ÍR 0 - 3 Vestri

„Staða okkar í deildinni er þannig að á þessum tímapunkti verða allir menn að eiga toppleik. Þróunin á liðinu er batnandi og maður er ánægður með það."

Vestri leiddi með tveimur mörkum í hálfleik og lágu Vestramenn til baka að mestu í seinni hálfleik. Þriðja mark Vestra kom eftir mistök hjá markverði ÍR.

„Í seinni hálfleik var þetta "powerplay" leikur. Þeir spiluðu háum boltum á "strikerinn" og reyndu að vinna seinni boltann. Það var ekkert annað að gera en að reyna verjast og reyna að ná hraðaupphlaupum og í þriðja markinu datt þetta með okkur.

Vestri er í fínni stöðu í 2. sæti 2. deildar og stefnan er því sett upp.

„Annað væri fáránlegt og ég vona að við getum staðið í lappirnar það sem eftir er mótsins, sagði Bjarni að lokum.

Viðtalið í heild sinni má sjá í spilaranum hér að ofan.

STUÐNINGSSVEIT
FÓTBOLTA.NET

ALLTAF Á VAKTINNI

Fótbolti.net er alltaf á vaktinni þegar eitthvað er að frétta af fótbolta.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit