Fótbolti.net

Kristall Máni: Fer mér bara vel að vera óþolandi

Kristian mætir funheitur í kanadíska kuldann - „Það besta sem maður gerir“

Aron Einar fann fyrir áhyggjum og hræðslu sinna nánustu - „Óþægilegt að vera í landi þar sem eru sprengingar“

Lúðvík ánægður að fá traustið: Riðillinn er galopinn

Gísli Gotti: Átti gott samtal við Arnar

Daníel Tristan hreinskilinn: Hún hefur alveg verið betri

Viktor Bjarki: Geggjað að sjá nafnið en pæli ekki mikið í þessu

Júlíus Mar: Hausinn vildi fara út

„Menn þurfa að vera á tánum til að spila í Víkingstreyjunni“

„Enginn sem óskar sér þess að mæta Víkingi“

Gæðastjórinn ætlar að reikna út xF

Birkir Már: Hefði sagt takk en nei takk væri hann ekki þarna

Víkingar unnu FH og Stjörnuna í dag - „Gera mér virkilega erfitt fyrir að velja í liðið“

Jökull: Yrði mjög sérstakt ef við myndum breyta einhverju þar

Heimir: Vel mannaðir, með frábæran þjálfara og ætla sér stóra hluti

Óskar Hrafn: Hef fullan skilning á því að okkur sé spáð 6. sæti

„Flottasta treyja sem við höfum spilað í"

„Fór frá því að spila yfir í það að mega ekki vera með á æfingum“

Sölvi: Teljum okkur vera með þannig hóp í ár

Stærsti samningur í sögu Víkings

fim 21. ágúst 2025 22:44

Ívan Guðjón Baldursson

Kátur Jón Óli vonast til að halda útlendingunum

Mynd: Fótbolti.net - Hafliði Breiðfjörð

Mynd: Jónína Guðbjörg Guðbjartsdóttir

Jón Ólafur Daníelsson þjálfari kvennaliðs ÍBV var kátur eftir stórsigur lærimeyja sinna gegn HK í toppslag Lengjudeildarinnar fyrr í kvöld.

Lestu um leikinn: ÍBV 4 - 1 HK

Eyjakonur tryggðu sér þar með Lengjudeildartitilinn þó það séu ennþá tvær umferðir eftir af tímabilinu.

Alisson Lowrey hefur verið ótrúlega öflug í sumar og skoraði hún þrennu í 4-1 sigri í kvöld.

„Það er dásamlegt að tryggja sér sigur í deildinni eftir að hafa tryggt okkur veru í Bestu deild á næsta ári. Ég óttaðist þennan leik mjög mikið, fyrst við vorum búnar að tryggja sætið óttaðist ég kæruleysi hjá mínum stúlkum en þær héldu sér á jörðinni og kláruðu þetta verkefni með þvílíkum sóma að maður gengur stoltur frá þessum leik," sagði Jón Óli eftir sigurinn dýrmæta og vonast hann til að halda útlendingunum í Vestmannaeyjum á næsta ári eftir frábæra frammistöðu í sumar.

„Það var aldrei möguleiki að þær færu einhvert annað í glugganum, þær elska Vestmannaeyjar og elska að fara í tuðruferð með okkur. Það er hvergi fallegra og betra að vera en í Vestmannaeyjum. Þær eru orðnar eins og innfæddar."

Markvörðurinn Guðný Geirsdóttir ætlar þá að leggja markmannshanskana á hilluna eftir tímabilið en Jón Óli er, ásamt pabba hennar, að reyna að sannfæra hana um að skipta um skoðun.

„Sko hún hefur ekki sama sjálfræðisaldur og aðrir Íslendingar. Hún verður ekki sjálfráða fyrr en hún verður 35 ára þannig hún hefur ekkert um það að segja hvort hún ætlar í fótbolta eða ekki á næsta ári."

ÍBV hefur aðeins fengið 13 mörk á sig í 16 deildarleikjum og er með 52 mörk í plús.