Breiðablik vann Fylki örugglega 1:5 í lokaumferð Pepsi-Max deildarinnar. Kjartan, þjálfari Fylkis, var nokkuð sáttur með sumarið hjá sínum stelpum:
Lestu um leikinn: Fylkir 1 - 5 Breiðablik
"Bara ágætis sumar og ætli við höfum ekki verið að standa okkur betur en búist var við. Við náum þarna góðum kafla í sumar en náum svo ekki að halda í við það og kannski svosem ekkert skrítið miðað við hvað við höfum verið að missa úr hópnum."
"Erum kannski svolítið ósátt með að hafa ekki náð að halda þessari sigurtörn lengur en á heildina litið erum við bara sátt með sumarið."
"Við erum með 2 leikmenn í byrjunarliði sem eru í landsliðsverkefni og það munar ágætlega um það, síðan misstum við 5 leikmenn út sem er kannski of stór biti þar sem við erum með fámennan hóp. Þetta er svolítið erfitt."
Fylkir hefur leikið vel í sumar og er líklegt að toppliðin í deildinni vilji næla í nokkra leikmenn þeirra. Verður erfitt fyrir Fylki að halda öllum áfram?
"Það gæti reynst svo en við sjáum bara hvað gerist."
Verður Kjartan áfram með Fylki?
"Já ég stefni að því."
Viðtalið má sjá í spilaranum hér að ofan.
Athugasemdir
