Óskar Örn Hauksson, fyrirliði KR var sáttur með sigurinn gegn Breiðablik á Kópavogsvelli fyrr í kvöld. KR-ingar komu sér uppfyrir Blika í Pepsi Max deild karla með sigrinum.
Óskar setti met með því að spila þennan leik í kvöld en hann hefur spilað 322 leiki í efstu deild karla, meira en allir aðrir hafa afrekað.
Óskar setti met með því að spila þennan leik í kvöld en hann hefur spilað 322 leiki í efstu deild karla, meira en allir aðrir hafa afrekað.
Lestu um leikinn: Breiðablik 0 - 2 KR
„Ég er virkilega stoltur af þessu meti, en það er kannski eitthvað sem maður horfir meira í þegar maður lítur til baka eftir ferilinn en akkurat núna er ég bara stoltur.''
„Það er aldrei að vita nema að maður fari bara í 400-500 leiki.''
Að leiknum, hvernig fannst Óskari leikurinn?
„Ég ætla ekki að ljóstra upp einhverjum leyndarmálum en mér fannst við bara með ágætis tök á leiknum, hefðum getað refsað þeim mögulega oftar og betur en virkilega góður 2-0 sigur.''
Óskar var ansi nálægt því að skora þegar Viktor Örn skorar sjálfsmark, vill hann fá markið skráð á sig?
„Ég myndi vilja það en ég held að það muni sjást að þetta var því miður sjálfsmark, ég var of lengi að taka ákvörðun þarna en hann (Viktor Örn) bara gerði þetta fyrir mig.''
Viðtalið í heild sinni má sjá í spilaranum hér að ofan en þar ræðir Óskar meðal annars evrópuleikinn og áfallið að detta úr leik ásamt mikilvægi þess að ná evrópusæti í deildinni.
