Gary Neville, sparkspekingur á Sky Sports og fyrrum leikmaður Manchester United, kveður Ole Gunnar Solskjær á Twitter í dag.
Neville var mikið gagnrýndur á samfélagsmiðlum fyrir að kalla ekki eftir því að Solskjær yrði rekinn frá United.
Frammistaða liðsins á tímabilinu hefur ekki verið félaginu til framdráttar og hefur hann farið varlega í hvernig hann talar um Ole en þeir eru góðir félagar frá því þeir voru liðsfélagar hjá United.
Neville ítrekaði alltaf að hann myndi aldrei kalla eftir því að einhver stjóri yrði rekinn. Hann gerði það ekki með Louis van Gaal, David Moyes og Jose Mourinho.
Solskjær fékk sparkið í dag og þakkaði Neville honum fyrir á Twitter.
„Takk, Ole. Við erum stolt af þér. Síðustu tveir mánuðir hafa verið erfiðir en fyrir það náðir þú að endurheimta sálina inn í félagið," sagði Neville á Twitter.
Thank you Ole. You did us proud . The last two months were tough but before that you restored some soul into the club. ❤️ pic.twitter.com/cseYVIFgqK
— Gary Neville (@GNev2) November 21, 2021
Athugasemdir