Tyrkirnir voru með okkur Íslendingum í riðli í undankeppninni þar sem þeir tóku fjögur stig af heimsmeisturum Frakklands. Þeir voru mjög þéttir og góðir í undankeppninni, og þóttu líklegir til að koma á óvart á þessu móti.

Þeir komu á óvart; þeir voru miklu lélegri heldur en fólk bjóst við fyrir mót.

Tyrkland er úr leik, þeir töpuðu öllum sínum leikjum; skoruðu eitt mark og fengu á sig sjö.

Það vekur athygli að í allri undankeppninni þá fengu þeir á sig þrjú mörk, fæst af öllum. Tvö af þessum mörkum skoraði Ragnar Sigurðsson. Á EM hefur ekkert lið fengið á sig fleiri mörk, en Tyrkirnir segja núna bless. Þeir eru farnir heim.