Guðjón Þórðarson og lærisveinar hans í NSÍ Runavík unnu góðan 4-1 sigur á TB Tvoroyri. NSÍ er enn í baráttunni um titilinn þegar fjórir leikir eru eftir af mótinu.
NSÍ hafði tapað síðustu tveimur leikjum sínum í deildinni en þar áður hafði liðið ekki tapað fimmtán leikjum í röð.
Leikmenn svöruðu fyrir tapleikina í dag og náðu í góðan 4-1 sigur og eru því enn á lífi í toppbaráttunni.
NSÍ er með 51 stig í 3. sæti en á sama tíma vann B36 7-2 sigur á IF Fuglafirði. B36 er því með 56 stig í toppsætinu.
Heimur Guðjónsson og hans menn í HB spiluðu ekki í dag en liðið varð bikarmeistari í gær og spilar því ekki deildarleik fyrr en á þriðjudag gegn EB/Streymur.
Athugasemdir