Óli er heilt yfir sáttur við sumarið
„Eins og alltaf er ég ótrúlega ánægður með strákan. Við komum hérna til að vinna. Við fókusum á það sem við getum gert og látum verkin tala. Mér finns ótrúlega gott hvernig strákarnir svöruðu fyrir sig í dag. Og við löndunm þremur stigum á móti flottu Víkingsliði."
Lestu um leikinn: Víkingur R. 2 - 3 KA
Aðspurður hvort honum væri létt að tryggja endanlega sætið í deildinni sagði Óli:
„Ég er ekkert mikið að spá í það. Það verður talið uppúr hattinum eftir síðustu umferð. Það hefur margt gerst hjá okkur og staðið af okkur ákveðinn storm. En komum uppréttir og ég er mjög stoltur af félaginu mínu í dag."
Óli er sáttur við sumarið:
„Það er hættulegt að tala um sumarið, það getur verið tekið úr samhengi, en við vorum ósáttir við fimm leiki sem setti okkur í stöðu sem var erfitt að klifra uppúr. En í seinni umferð höfum við verið ótrúlega stabílir og einungis tapað tveimur leikjum í seinni umferð. Svo höfum við gefið ungum strákum séns, t.d. Aron Dagur í dag. Menn voru að efast um það í byrjuninni að við værum að veðja á okkar strák, en hann sýndi það í dag að hann er einn af okkar albestu markmönnum.
Það er einn leikur eftir en fyrst og fremst er ég ánægður með félagið og það sem við höfum gert þegar það var erfitt períod og ég trúi því að félagið sé sterkara eftir þessa reynslu."
