„Þetta var ágætur leikur. Við vorum svolítið hægar í fyrri hálfleik en mér fannst við aðeins sneggri á því í seinni. En við erum sáttar með að halda hreinu heima og fá þrjú stig,“ sagði Ásgerður Stefanía Baldursdóttir, alltaf kölluð Adda, eftir 3-0 heimasigur Vals á KR.

Lestu um leikinn: Valur 3 -  0 KR

Valsliðið hélt boltanum vel í dag og Adda segir það hafa verið uppleggið. Spil Valskvenna leit út fyrir að vera áreynslulaust á köflum en Adda sagði leikinn hafa verið erfiðan að spila.

„Mér fannst þetta reyndar mjög erfiður leikur. Mér finnst KR-liðið virkilega vel skipulagt og þær héldu alltaf áfram þó við værum 3-0 yfir.“

Breidd Valsliðsins hefur verið mikið til umræðu í sumar. Í hópnum er fullt af öflugum leikmönnum en nýlega hafa komið upp meiðsli og eins eru leikmenn að fara út í háskólanám og klára ekki tímabilið. Hvaða áhrif mun það hafa á seinni hluta mótsins hjá Val?

„Það er nú ekki búið að tala um neitt annað en að við séum með tvö sterk byrjunarlið þannig að við ættum nú að geta staðið af okkur smá meiðsli. Auðvitað erum við búnar að lenda í hræðilegum meiðslum með Mist og Thelma er búin að vera aðeins frá en við erum vonandi að fá hana til baka. Þá reynir bara á gömlu jálkana,“ sagði Adda meðal annars er nánar er rætt við hana í spilaranum hér að ofan.

Tweet

Senda a Facebook Hafdu samband Senda frétt Prenta frétt Frétta leit