Það þarf að stýra álaginu á varnarmanninum Harry Maguire og hann æfir ekki með enska landsliðinu í dag. Englendingar mæta Þjóðverjum næsta þriðjudag í 16-liða úrslitum EM alls staðar.
Þessi 28 ára leikmaður Manchester United er að jafna sig af ökklameiðslum og spilaði allan leikinn í 1-0 sigri gegn Tékklandi í vikunni.
Þessi 28 ára leikmaður Manchester United er að jafna sig af ökklameiðslum og spilaði allan leikinn í 1-0 sigri gegn Tékklandi í vikunni.
Maguire æfir með sjúkraþjálfara í dag en ef bakslag kemur upp varðandi meiðsli hans þá mun Tyrone Mings væntanlega taka stöðu hans við hlið John Stones.
Mason Mount og Ben Chilwell eru í sóttkví og æfa saman. Þeim var skipað í sóttkví eftir að hafa verið í snertingu við Billy Gilmour, leikmann skoska landsliðsins, sem greindist með Covid-19.
Þeir losna úr sóttkví á mánudaginn, deginum fyrir leikinn gegn Þýskalandi.
Athugasemdir