Lewandowski er kominn með þrjú deildarmörk í tveimur leikjum, en þau gætu hæglega verið fleiri.
Pólski reynsluboltinn Robert Lewandowski skoraði sigurmark Barcelona í 2-1 sigri liðsins á Athletic í 2. umferð La Liga í dag.
Lamine Yamal skoraði fyrsta deildarmark sitt á tímabilinu á 24. mínútu. Hann fékk boltann rétt fyrir utan teiginn, færði boltann á vinstri fótinn áður en hann lét vaða. Boltinn fór af varnarmanni og í netið, en Yamal var líklega sama um það. Fyrsta markið komið.
Barcelona fékk fullt af færum í leiknum og hefði auðveldlega getað jarðað Athletic í fyrri hálfleiknum en nýtti ekki. Undir lok hálfleiksins fengu gestirnir vítaspyrnu sem Oihan Sancet skoraði örugglega úr.
Lewandowski fékk flest öll færin í teig Athletic. Hann kom boltanum tvisvar í stöng og þá varði Alex Padilla algert dauðafæri frá Pólverjanum.
Eina sem hann gat gert er að halda áfram að koma sér í þessi færi, sem hann gerði og kom loksins sigurmarkið þegar um það bil fimmtán mínútur voru eftir. Fyrirgjöfin kom frá vinstri, boltinn datt út í teiginn á Lewandowski sem gerði þriðja deildarmark sitt á tímabilinu.
Barcelona með fullt hús stiga eftir tvo leiki. Takefusa Kubo var þá hetja Real Sociedad í 1-0 sigrinum á Espanyol. Japanski landsliðsmaðurinn gerði sigurmarkið tíu mínútum fyrir lok venjulegs leiktíma.
Getafe gerði markalaust jafntefli við Rayo Vallecano og þá vann Osasuna 1-0 sigur á Real Mallorca.
Getafe 0 - 0 Rayo Vallecano
Espanyol 0 - 1 Real Sociedad
0-1 Takefusa Kubo ('80 )
Barcelona 2 - 1 Athletic
1-0 Lamine Yamal ('24 )
1-1 Oihan Sancet ('42 , víti)
2-1 Robert Lewandowski ('75 )
Osasuna 1 - 0 Mallorca
1-0 Ruben Garcia ('55 )
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 17 | 14 | 1 | 2 | 49 | 20 | +29 | 43 |
| 2 | Real Madrid | 16 | 11 | 3 | 2 | 32 | 15 | +17 | 36 |
| 3 | Villarreal | 15 | 11 | 2 | 2 | 31 | 13 | +18 | 35 |
| 4 | Atletico Madrid | 17 | 10 | 4 | 3 | 30 | 16 | +14 | 34 |
| 5 | Espanyol | 16 | 9 | 3 | 4 | 20 | 16 | +4 | 30 |
| 6 | Betis | 15 | 6 | 6 | 3 | 25 | 19 | +6 | 24 |
| 7 | Athletic | 16 | 7 | 2 | 7 | 15 | 20 | -5 | 23 |
| 8 | Getafe | 16 | 6 | 2 | 8 | 13 | 18 | -5 | 20 |
| 9 | Elche | 16 | 4 | 7 | 5 | 19 | 20 | -1 | 19 |
| 10 | Celta | 15 | 4 | 7 | 4 | 18 | 19 | -1 | 19 |
| 11 | Alaves | 15 | 5 | 3 | 7 | 13 | 15 | -2 | 18 |
| 12 | Vallecano | 15 | 4 | 5 | 6 | 13 | 16 | -3 | 17 |
| 13 | Sevilla | 15 | 5 | 2 | 8 | 20 | 24 | -4 | 17 |
| 14 | Mallorca | 16 | 4 | 5 | 7 | 18 | 23 | -5 | 17 |
| 15 | Real Sociedad | 16 | 4 | 4 | 8 | 20 | 24 | -4 | 16 |
| 16 | Osasuna | 16 | 4 | 3 | 9 | 14 | 20 | -6 | 15 |
| 17 | Valencia | 16 | 3 | 6 | 7 | 15 | 25 | -10 | 15 |
| 18 | Girona | 16 | 3 | 6 | 7 | 15 | 30 | -15 | 15 |
| 19 | Oviedo | 15 | 2 | 4 | 9 | 7 | 22 | -15 | 10 |
| 20 | Levante | 15 | 2 | 3 | 10 | 16 | 28 | -12 | 9 |
Athugasemdir
