Líkleg byrjunarlið Southampton og Everton

Leikurinn á sunnudag klukkan 14

Mynd: Guardian

Southamton og Everton eigast við í ensku úrvalsdeildinni klukkan 14:00 á sunnudag. Hér má sjá líkleg byrjunarlið leiksins að mati Guardian en því er spáð að Gylfi Þór Sigurðsson byrji á bekknum hjá Everton.

Carlo Ancelotti, stjóri Everton, getur ekki stillt upp sínu sterkasta liði þar sem lykilmaðurinn Richarlison fékk rautt spjald í jafnteflinu dramatíska gegn Liverpool um síðustu helgi og tekur því út fyrsta leikinn í þriggja leikja banni.

Kólumbíumaðurinn James Rodriguez er tæpur fyrir leikinn vegna minniháttar meiðsla en honum er þó spáð í byrjunarliðið.

Í leiknum verða tveir öflugir markaskorarar í sviðsljósinu, Dominic Calvert-Lewin hefur verið sjóðheitur fyrir Everton og Danny Ings elskar að skora fyrir Southampton.

Calvert-Lewin hefur skorað í öllum fimm úrvalsdeildarleikjum Everton á tímabilinu en Sergio Aguero hjá Manchester City er sá eini sem hefur afrekað það að skora í fyrstu sex leikjum á nýju tímabili.

Everton hefur raðað inn mörkum og er með fjórtan mörk skoruð í fimm leikjum. Þetta er mesta markaskorun þeirra í upphafi tímabils frá því 1936.

Ings hefur skorað 26 úrvalsdeildarmörk síðan í upphafi síðasta tímabils, aðeins Jamie Vardy hjá Leicester hefur skorað fleiri eða 28 mörk.

Hjá Everton eru Jonjoe Kenny og Seamus Coleman á meiðslalistanum.

Hjá Southampton má Theo Walcott ekki spila þar sem hann er á láni frá Everton. Moussa Djenepo er enn á meiðslalistanum en Stuart Armstrong snýr aftur eftir að hafa verið í sóttkví.

Everton er ósigrað í öllum leikjum sínum á tímabilinu þegar horft er í allar keppnir en þetta er besta byrjun liðsins á tímabili frá því 1986-87 þegar liðið byrjaði tímabilið á níu sigrum og fór alla leið og vann Englandsmeistaratitilinn.

Eftir að hafa tapað fyrstu tveimur leikjum sínum á tímabilinu er Southampton nú ósigrað í þremur, tveir sigurleikir og einn tapleikur.

Stöðutafla

#	Lið	L	mun	Stig
1	Man City	3	+5	9
2	Arsenal	2	+4	6
3	Hull City	2	+3	6
4	Chelsea	2	+2	6
5	Brentford	3	+3	5
6	Liverpool	3	+2	5
7	Newcastle	3	+2	5
8	Leeds	3	+1	5
9	Brighton	3	+3	4
10	Everton	2	+2	4
11	Sunderland	3	0	4
12	Man Utd	2	+1	3
13	Ipswich Town	3	-4	3
14	Crystal Palace	3	-4	3
15	Bournemouth	3	-1	2
16	Nott. Forest	3	-1	2
17	Tottenham	3	-5	1
18	Fulham	3	-3	0
19	Coventry	3	-5	0
20	Aston Villa	2	-5	0