Birkir Jakob Jónsson, 15 ára framherji úr Fylki, stóð sig vel á reynslu hjá norska stórliðinu Molde á dögunum.

Norskir fjölmiðlar fjalla mikið um Birki í vikunni og segja að hann gæti orðið leikmaður Molde í framtíðinni.

Birkir er fæddur árið 2005 og því ennþá í 3. flokki. Í sumar spilaði Birkir einungis með 2. flokki hjá Fylki í A-deild.

Birkir æfði með unglingaliðum Molde í fyrra en hann var aftur til reynslu hjá félaginu á dögunum.

„Birkir er áhugaverður leikmaður. Hann hefur vaxið mikið síðasta árið og hann er með spennandi líkamsbyggingu," sagði Thomas Mork yfirmaður akademíu Molde.

„Hann hefur staðið sig vel fyrir lið sitt á Íslandi þar sem hann skorar meira en eitt mark að meðaltali gegn leikmönnum sem eru þremur og fjórum árum eldri."

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit