Gotler er leikmaður sem áhugamenn um íslensku neðri deildirnar ættu að kannast við.

Hann er 31 árs gamall miðjumaður sem kemur frá Brasilíu, en hann hefur síðustu tvö tímabil spilað með erkifjendum KFA í Hetti/Hugin.

Gotler skoraði þrettán mörk og í 31 leik í 2. deildinni á þessum tveimur tímabilum. Hann er nú mættur til KFA til að taka þátt í því spennandi verkefni sem er þar í gangi.

Þá hefur félagið fengið ítalska markvörðinn Mattia Guarnieri frá ítalska D-deildarfélaginu Malfetta Sport.

Guarnieri er 24 ára gamall og tvisvar verið valinn besti markvörður D-deildarinnar, 2018 og 2019. Samningar þeirra beggja gilda út leiktíðina.

KFA hafnaði í 3. sæti í 2. deild á síðasta tímabili eftir að hafa verið á toppnum stærstan hluta tímabilsins. ÍR-ingar fóru upp í Lengjudeildina á markatölu, en þessi félagaskipti og yfirvofandi félagaskipti Eggert Gunnþórs Jónssonar sýna að félagið ætlar sér stóra hluti í sumar.