Þessi 25 ára gamli varnarmaður var á láni hjá Fulham á síðustu leiktíð og heillaði mörg félög í úrvalsdeildinni.

Patrick Vieira tók við Palace á dögunum og vildi ólmur fá Andersen en félögin hafa verið í viðræðum um kaupverð síðustu daga.

Samkvæmt Romano hafa félögin náð samkomulagi en miðlar í Frakklandi og Danmörku greina frá því að kaupverðið sé í kringum 16 milljónir evra plús bónusgreiðslur.

Hann skrifar undir samning til 2026 og verða félagaskiptin tilkynnt á næstu dögum.

Þetta verða þriðju kaup Vieira en hann er nú þegar búinn að næla í Michael Olise frá Reading og Marc Guehi frá Chelsea.