Ingvar Jónsson.
„Þetta var ekkert smá stressandi leikur," sagði markvörðurinn Ingvar Jónsson eftir 2-0 sigur Víkinga á Leikni í lokaumferð Pepsi Max-deildarinnar.
Lestu um leikinn: Víkingur R. 2 - 0 Leiknir R.
Víkingar eru Íslandsmeistarar í fyrsta sinn í 30 ár.
„Við vorum geggjaðir í fyrri hálfleik og áttum frábærar sóknir. Við kláruðum þetta ótrúlega fagmannalega," sagði Ingvar jafnframt eftir leikinn. Hann er Íslandsmeistari í annað sinn; hann vann einnig deildina með Stjörnunni 2014.
„Biðin var erfið. Doddi gerði þetta aðeins erfiðara fyrir mig með að fá rautt. Það voru svona 100 manns sem sögðu mér að passa mig að meiða mig ekki í vikunni. Maður var aðeins með það í hausnum. En menn voru 100 prósent klárir. Það var þvílík einbeiting í gangi."
Ingvar segist alveg hafa átt von á þessu eftir að hann kom heim úr atvinnumennsku. „Arnar var mjög sannfærandi þegar ég talaði við hann."
Allt viðtalið er hér að ofan.
