„Þetta er okkar dekksti dagur frá því ég tók við," sagði Solskjær eftir leikinn en þrátt fyrir þennan dökka dag þá gaf hann sér tíu mínútur fyrir utan leikvanginn til að spjalla við þá stuðningsmenn sem þar voru samankomnir.

Íþróttafréttmaðurinn Rob Harris var á staðnum og segist aðeins hafa orðið var við stuðning en Solskjær hafi sloppið við allt neikvætt áreiti á meðan hann gaf áritanir og bolamyndir.

Öll spjót hafa beinst að Solskjær eftir tapið, meðal annars frá Chris Sutton sem er sparkspekingur BBC.

„Ole Gunnar Solskjær hefur fengið öll þau vopn sem hann vildi fyrir tímabilið. Við höfum talað máli Solskjær en nú eru liðin næstum því þrjú ár. Með leikmannakaupum sumarsins hélt maður að þeir myndu berjast um titilinn en þetta hefur farið í allt aðra átt. Hann þarf að fara, er það ekki ljóst?" segir Sutton.