„Það sást að hann var ekki að hreyfa sig eins og hann er vanur og það var engin ástæða til að taka neina sénsa með því að spila honum lengur. Við ákváðum að hvíla hann og setja Patson Daka inn. Við munum skoða hann aftur á morgun (í dag)," sagði Rodgers.

Vardy gæti verið með í deildabikarnum gegn Brighton eða þá í næsta deildarleik um næstu helgi gegn Arsenal.

Fantasy eigendur voru að vonast eftir einhverju frá Vardy um helgina en hann var langmest keypti leikmaðurinn fyrir síðustu umferð. Það hafa því eflaust einhverjir orðið pirraðir þegar Vardy fór af velli í hálfleik án þess að hafa komið að marki.

Lokatölur í gær urðu 1-2 fyrir Leicester þar sem þeir Youri Tielemans og James Maddison sáu um markaskorun gestanna.