Gareth Bale hefur aldrei verið ánægðari að sögn Jose Mourinho, stjóra Tottenham, en þeir vinna saman hjá félaginu.
Bale skoraði mark í öruggum sigri á Wolfsberger í Evrópudeildinni í vikunni en hann fær ekki að byrja marga leiki í úrvalsdeildinni.
Bale er í láni hjá Tottenham frá Real Madrid og er oft talað um að hann óánægður með hlutverk sitt í London.
„Hann lítur út fyrir að vera ánægðari en nokkru sinni fyrr, hann er með sjálfstraust," sagði Mourinho.
„Það er hægt að sjá það á æfingum að sjálfstraustið er komið aftur, hvernig hann er að hitta markið."
„Markið hans á miðvikudag var fullt af sjálfstrausti. Leikmaður sem er óttasleginn eða neikvæður hefði ekki getað skotið svona á markið."
Athugasemdir