Ólafur Stígsson, annar þjálfara Fylkis var gríðarlega ánægður með að sækja 3 stig á Meistaravelli fyrr í dag.
Fylkir vann KR 2-1 í gríðarlega dramatískum leik þar sem tvö rauð spjöld fengu að líta dagsins ljós og Fylkir skoraði sigurmarkið úr vítaspyrnu á 97. mínútu eftir ansi mikla dramatík.
Fylkir vann KR 2-1 í gríðarlega dramatískum leik þar sem tvö rauð spjöld fengu að líta dagsins ljós og Fylkir skoraði sigurmarkið úr vítaspyrnu á 97. mínútu eftir ansi mikla dramatík.
Lestu um leikinn: KR 1 - 2 Fylkir
„Þetta var svona eiginlega best eins og það verður, skora sigurmarkið þegar að 30 sekúndur eru eftir, ég er bara hrikalega ánægður með þennan sigur.''
„Við ætluðum að láta þá hafa fyrir þessu, vera áræðnir og aggressívir og byrjuðum leikinn vel. Völlurinn var svolítið þungur og erfitt að spila en KR-ingarnir voru aðeins sterkari í lok fyrri hálfleiksins, ég var samt ánægður með fyrri hálfleikinn. Svo skora þeir snemma í seinni og við missum mann útaf, þetta verður mjög erfitt eftir það.''
Sáu þjálfarar Fylkis hvað gerist í aðdraganda rauða spjaldsins á Beiti og vítaspyrnudómsins?
„Nei, ég fór strax að horfa á hvernig vörnin mín var staðsett til að loka á skyndisókn svo þetta kom öllum á óvart bara.''
Viðtalið í heild sinni má sjá í spilaranum hér að ofan en þar ræðir Óli leikinn betur, aðstæðurnar og á hvaða vegferð Fylkismenn eru.
