Fótbolti.net

Óli Íshólm: Skutu allir í sama horn og í 5. flokki

Rúnar Páll: Þetta eru skrýtnir tímar

Jón Sveins: Fred, Albert og Orri áttu ekki að vera í hóp

Ragnar Bragi: Alls ekki fúlir út í hann

Arnar Gunnlaugs: Hann tók ekki línuna alla leið

Daníel Laxdal: Við fundum glufurnar í þeirra liði

Brynjar Björn: Var pínu órólegur á kafla

Magnús Már: Vonandi er hægt að byrja að spila sem fyrst

Gústi Gylfa: Færð ekki mörg færi á móti Breiðablik

Guðmundur Þór: Klárt mark á mig

Ási Arnars: Þetta eru sérstakar aðstæður

Rúnar Kristins: Öll þjóðin þarf að taka eitt skref til baka

Óskar Hrafn: Hefðum getað lent undir

Arnar Grétars: Ætluðum að gera eitthvað af viti í bikarnum

Höskuldur Gunnlaugs: Fagmannleg frammistaða

Almarr hundfúll að detta úr bikar: Alltaf ömurlegt

Gary Martin: Auðveldara en í Lengjudeildinni

Helgi Sig: 'Masterplanið' gekk eftir

Logi Ólafs: Viljum fara alla leið

Sveinn Elías um enga áhorfendur: Þetta var stórfurðulegt

sun 28. júní 2020 19:23

@saebjornth

Sæbjörn Þór Þórbergsson Steinke

Binni Skúla: Svekktur út í þessi drullumörk

Brynjar Skúlason.

Mynd: Fótbolti.net - Hafliði Breiðfjörð

„Ég er svekktur út í þessi drullumörk sem við fengum á okkur, tvö úr föstum leikatriðum og eitt sem var kross á fjær og bakvörðurinn minn ekki rétt staðsettur," sagði Brynjar Skúlason þjálfari Leiknis Fáskrúðsfirði eftir 2 - 3 tap heima gegn Þór í Lengjudeildinni í dag.

Lestu um leikinn: Leiknir F. 2 - 3 Þór

„Við vorum drullulélegir í 25 mínútur í fyrri hálfleik en eftir það fannst mér við miklu sterkara liðið, meira með boltann og það hefði verið sætt að setja hann í restina þegar ég hélt við værum að skora," bætti hann við.

„Við getum ekki unnið leiki ef við ætlum að þurfa að skora 4-5 mörk í leik. Við erum ennþá að venjast styrknum og tempóinu. Það eru allir stærri, fljótari og sterkari og það er leyft aðeins meira. Menn þurfa að læra á línuna og taka aðeins meira á andstæðingunum."

Leiknir spilar heimaleik sína innanhúss í Fjarðabyggðarhöllinni. Er ekki svekkjandi að spila inni yfir hásumar?

„Auðvitað væri meira sexy að vera úti á alvöru grasi í sól og blíðu en þetta er sú aðstaða sem er í boði fyrir okkur og við erum ánægðir með hana."

Leiknir spilaði í bikarnum gegn Stjörnunni í vikunni en Covid-19 smit kom upp í herbúðum Stjörnunnar í gær. Hver voru samskiptin vegna þessa um hvort leikurinn færi fram?

„Mér vitandi hafði enginn frá KSÍ samband við okkur. Þórsarar voru að spyrja okkur á laugardagsmorgun og ég sagði að ég vissi jafnmikið og þeir. Við komumst að því sjálfir að þetta væri leikmaður sem var ekki í hóp á móti okkur. Þórsarar náðu svo í Birki Sveins hjá KSÍ sem sagði að leikurinn væri ON. Þetta er óþægilegt."

Nánar var rætt við Binna í sjónvarpinu að ofan en þar segir hann frá því að einn hans leikmanna sé veikur og þurfi því að fara í test til öryggis.

Athugasemdir

Nýjustu fréttirnar