Sigurjón Rúnarsson, varnarmaður Fram, átti góðan leik er Fram lagði Val 2-0 í kvöld í Bestu deild karla. Sigurjón hefur átt gott sumar eftir að hafa gengið til liðs við Fram frá Grindavík fyrir tímabilið.
Lestu um leikinn: Fram 2 - 0 Valur
„Ég er algjörlega sáttur með þetta og sérstaklega það að hafa haldið hreinu, það er alltaf gott fyrir okkur varnarmennina," sagði Sigurjón í samtali við fréttaritara .net í leikslok.
Vörn Fram gaf fá færi á sér í kvöld og var sigurinn í raun aldrei í hættu.
„Við vorum mjög massívir og þéttir. Við lögðum aðeins áherslu á það í hálfleik að vera þéttari. Í fyrri hálfleik vorum við svona aðeins langt frá mönnum í þessu stutta spili hjá þeim.
Fram náði markmiði sínu sem var það að enda í efri hlutanum, liðið er nú ekki að spila upp á mikið en það er ekki að sjá á leikmönnum liðsins að þeir séu saddir.
„Þetta eru allt hörkuleikir og við viljum vera á meðal þessara liða. Við verðum núna að sýna að við eigum heima í þessum hluta og við erum mættir til þess."
Í gær var tilkynnt að Rúnar Kristinsson, þjálfari Fram, hefði framlengt samning sinn við Fram til næstu 2 ára.
„Hann er einn besti þjálfari á landinu, ef ekki sá besti. Við erum í toppmálum með hann. Leiðin liggur bara upp á við og við erum að bæta ofan á það sem við erum að gera leik eftir leik."
Viðtalið er í heild sinni hér að ofan en beðist er velvirðingar á því að hljóðgæðin eru skert sökum mikils vinds.
Athugasemdir
