„Úrslitin eru ljót, óþægilega ljót finnst mér. Mér fannst við fara af stað ágætlega inn í leikinn. Svo bara þungar mínútur restina af fyrri hálfleik, þar sem þeir voru bara töluvert betri en við og voru verðskuldað yfir í hálfleik," sagði Aðalsteinn Jóhann Friðriksson, þjálfari Völsungs, eftir þungt 4-1 tap á AVIS-vellinum.
Gestirnir áttu fátt um svör gegn Þrótti og má segja að Aðalsteinn sé heillaður af spilamennsku Þróttar.
„Mér finnst Þróttur bara eitt best spilandi liðið ef ekki best spilandi liðið. Mér finnst þeir bestir á boltann af þeim liðum, sem við höfum mætt.
Lestu um leikinn: Þróttur R. 4 - 1 Völsungur
Völsungur fékk á sig fjögur mörk í dag og voru í stökustu vandræðum í varnarleiknum.
„Það eru svona augnablik þar sem er of auðvelt að komast á bak við okkur. Við þurfum að skoða það bara og á stórum köflum leiksins vorum við ekki að verjast vel, það er rétt.
