Samkvæmt frétt Mundo Deportivo þá eru Börsungar með augastað á þýska miðjumanninum Ilkay Gundogan.

Gundogan, sem er 31 árs, er á síðasta samningsári sínu hjá Man City og er ekki enn búinn að samþykkja nýjan samning.

Hann getur byrjað að ræða við félög utan Englands í janúar, en Gundogan hefur spilað með Man City undanfarin sex ár. Hann hefur spilað stóra rullu fyrir liðið og verið mikilvægur.

Það er sagt að Barcelona ætli aftur að reyna við Bernardo Silva næsta sumar en Gundogan er líka möguleiki fyrir félagið ef hann skrifar ekki undir nýjan samning við City.