Ralph Hasenhüttl er stoltur af sínum mönnum eftir 2-3 tap Southampton gegn Manchester United í dag, en Southampton var tveimur mörkum yfir í leikhlé.
Edinson Cavani kom inn af bekknum í leikhlé og breytti leiknum. Hasenhüttl telur hann hafa gert gæfumuninn enda skoraði Úrúgvæinn tvennu og lagði upp.
„Það er mjög erfitt að verjast Cavani. Við áttum frábæra kafla í leiknum og ég er mjög ánægður með hvernig við spiluðum í dag. Við lögðum allt í þetta en að lokum gerði einn leikmaður gæfumuninn," sagði Hasnehüttl.
„Við gerðum okkar besta í dag en við mættum virkilega sterku liði með mikla gæðaleikmenn. Cavani er frábær leikmaður, við vitum hvað hann getur gert en okkur tókst ekki að verjast honum."
Athugasemdir
