Arsenal og Bayern München eru komin áfram í 16-liða úrslitin en Englandsmeistarar Liverpool, Evrópumeistarar Paris Saint-Germain og Real Madrid eru meðal þeirra liða sem geta komist beint áfram á eftir.

Liverpool tekur á móti Qarabag frá Aserbaídsjan á Anfield og ætti það að vera formsatriði fyrir enska liðið, en maður veit þó aldrei hvað maður fær frá lærisveinum Arne Slot og þá hefur Qarabag komið á óvart í deildarkeppninni. Sigur mun hins vegar senda Liverpool beint áfram í 16-liða úrslitin.

Miðjumaðurinn Ryan Gravenberch er í miðverði hjá Liverpool ásamt Virgil van Dijk. Andy Robertson, sem var sagður á leið til Tottenham fyrir nokkrum dögum, byrjar í bakverðinum. Hugo Ekitike er fremstur.

Manchester City er öruggt í umspilið en þarf að vinna Galatasaray og treysta á önnur úrslit til þess að komast beint áfram. Erling Haaland og Omar Marmoush byrja báðir hjá þeim ljósbláu.

Kai Havertz byrjar í fyrsta sinn á tímabilinu er Arsenal mætir Kairat en Arsenal-menn geta tryggt toppsætið með sigri og þá er Nick Woltemade í byrjunarliði Newcastle sem heimsækir Evrópumeistara Paris Saint-Germain. Fyrirliðinn Bruno Guimaraes er á bekknum, en hann er að ná sér eftir meiðsli.

Randal Kolo-Muani er fremstur hjá Tottenham sem heimsækir Eintracht Frankfurt. Sigur fleytir Tottenham áfram í 16-liða úrslitin.

Cole Palmer er á bekknum hjá Chelsea sem heimsækir Napoli, en hann var ekki með um helgina vegna meiðsla. Chelsea þarf sigur til að komast áfram í 16-liða úrslit.

Viktor Bjarki Daðason er í byrjunarliði FCK sem heimsækir Barcelona á Nou Camp. Svakaleg lífsreynsla fyrir þennan unga Framara sem hefur heillað með FCK á tímabilinu. Rúnar Alex Rúnarsson er á bekknum.

FCK er í 26. sæti með 8 stig og á möguleika á því að komast í umspilið en til þess þyrfti liðið að ná í góð úrslit í Barcelona.

Byrjunarlið Arsenal gegn Kairat: Arrizabalaga, White, Mosquera, Calafiori, Lewis-Skelly, Norgaard, Eze, Havertz, Madueke, Martinelli, Gyokeres

Byrjunarlið Liverpool gegn Qarabag: Alisson, Frimpong, Gravenberch, Van Dijk, Robertson, Mac Allister, Szoboszlai, Wirtz, Salah, Gakpo, Ekitike.

Byrjunarlið Man City gegn Galatasaray: Donnarumma, Nunes, Khusanov, Ake, Ait-Nouri, Silva, O’Reilly, Marmoush, Cherki, Doku, Haaland.

Byrjunarlið Newcastle gegn PSG: Pope, Miley, Thiaw, Botman, Burn, Hall, Tonali, Ramsey, Elanga, Woltemade, Willock

Byrjunarlið Tottenham gegn Frankfurt: Vicario, Udogie, Romero, Danso, Gray, Spence, Matar Sarr, Palhinha, Odobert, Simons, Kolo Muani.

Byrjunarlið Chelsea gegn Napoli: Sanchez, Gusto, James, Fofana, Cucurella, Caicedo, Andrey Santos, Estevao, Fernandez, Neto, Joao Pedro