Spánverjinn Abdelhadi Khalok hefur samið við Víking Ólafsvík en hann kemur til félagsins frá Kormáki/Hvöt.
Khalok er 30 ára gamall kantmaður sem þekkir vel til í Ólafsvík, en hann lék með liðinu árin 2023 og 2024.
Hann lék 30 leiki fyrir félagið og skoraði í þeim níu mörk áður en hann gekk í raðir Kormáks/Hvatar. Þá lék hann einnig með KFA um skamma hríð.
Þessi reyndi leikmaður ætlar að taka slaginn með Ólsurum í sumar, en hann er væntanlegur til landsins um miðjan febrúar.
Víkingur Ó. mun leika áfram í 2. deild á komandi tímabili eftir að hafa hafnað í 8. sæti á síðustu leiktíð.
Athugasemdir
