Hrikalega svekkjandi að fara stigalaus á Skagann.
Andri Geir Alexandersson miðvörður Skagamanna var ekki upplitsdjarfur að leik loknum í Ólafsvík í kvöld.
"Það er hrikalega svekkjandi að fara stigalaus á Skagann, sérstaklega eftir hvernig hefur gengið"
"Það er hrikalega svekkjandi að fara stigalaus á Skagann, sérstaklega eftir hvernig hefur gengið"
Andri hefði viljað fá eitthvað út úr leik kvöldsins.
"Svona eftir á að hyggja hefðum við verið sáttir við stig út úr leiknum. Okkur fannst þeir ekkert vera að skapa. Svo fá þeir víti eftir okkar mistök og síðan ná þeir frákastinu sem eru önnur mistök hjá okkur og klára það sem er hrikalega svekkjandi."
Hann var sammála því að heimamenn hefðu náð tökum á leiknum þegar á hann leið.
"Já, leikurinn þróaðist þannig að þeir voru aðeins meira á okkur í seinni hálfleik."
Andri er ekkert farinn að örvænta þó lítið gangi hjá þeim gulu og glöðu.
"Þetta er búið að ganga illa og það fellur ekkert með okkur. En við vitum alveg að þetta kemur og við erum ekkert að hugsa um það neitt að við séum að fara að falla. Það er ekki séns."
Frekar er rætt við Andra í viðtalinu sem fréttinni fylgir.
