Alavés 1 - 1 Atlético Madrid
0-1 Giuliano Simeone ('7)
1-1 Carlos Vicente ('13, víti)
0-1 Giuliano Simeone ('7)
1-1 Carlos Vicente ('13, víti)
Fyrsta leik dagsins er lokið í efstu deild spænska boltans þar sem lærisveinar Diego Simeone í liði Atlético Madrid misstigu sig á útivelli gegn Alavés.
Atlético var talsvert sterkara liðið í dag og tók forystuna snemma leiks, en heimamenn jöfnuðu með marki úr vítaspyrnu. Giuliano Simeone, sonur þjálfarans, skoraði fyrir Atlético en Carlos Vicente jafnaði sex mínútum síðar.
Heimamenn í liði Alavés ógnuðu lítið sem ekkert í leiknum á meðan Atlético fór illa með færin sín.
Það var ekkert meira skorað svo lokatölur urðu 1-1 og heldur slæm byrjun Atlético áfram.
Atlético er aðeins með tvö stig eftir þrjár fyrstu umferðirnar á nýju tímabili. Alavés er með fjögur stig.
Svona slakt gengi er ekki í boði undir stjórn Simeone. Atlético hefur verið þriðja besta lið spænska boltans undir hans stjórn í næstum því 15 ár.
Athugasemdir
