Ásgerður Stefanía Baldursdóttir heimsótti heimavöllinn
Adda er í ítarlegu spjalli í nýjasta þætti Heimavallarins
Ásgerður Stefanía Baldursdóttir hefur verið áberandi í íslenskum fótbolta í rúman áratug. Hún ólst upp hjá Breiðablik en skipti yfir í Stjörnuna fyrir tímabilið 2005. Þar tók hún þátt í ótrúlegum uppgangi félagsins. Spilaði 271 meistaraflokksleiki, flesta með fyrirliðabandið, og vann fjóra Íslandsmeistaratitla og þrjá bikarmeistaratitla. Á þeim tíma spilaði Adda einnig 10 A-landsleiki og fór á láni til Kristianstad í Svíþjóð. Í haust bárust svo óvænt tíðindi úr Garðabænum þegar tilkynnt var um að fyrirliðinn myndi róa á önnur mið. Stuttu síðar var penninn á lofti á Hlíðarenda og Adda er í dag leikmaður Vals.
Þessi magnaði karakter er gestur Heimavallarins í dag og fer þar yfir ferilinn með þáttastýrunum Huldu Mýrdal og Mist Rúnarsdóttur.
Meðal efnis…. Að alast upp hjá Breiðablik, hjátrú, hugarfarsbreyting, ótrúlegur uppgangur Stjörnunnar, fyrst valin í A-landsliðið 26 ára gömul, Svíþjóðarævintýri, fósturmissir, endurkoma eftir barneignarfrí, erfiður viðskilnaður við Stjörnuna og nýir tímar á Hlíðarenda.
Heimavöllurinn er einnig á Instagram þar sem knattspyrna kvenna er í forgrunni. Þar eru knattspyrnu kvenna gerð skil á lifandi og fjölbreyttan hátt. Þangað rata helstu fréttir, leikmaður vikunnar er valinn og knattspyrnukonur svara hraðaspurningum svo eitthvað sé nefnt.
Sjá einnig:
Hlustaðu gegnum Podcast forrit
Eldri þættir af Heimavellinum
Áramótauppgjör (29. desember)
Ingibjörg Sigurðardóttir í ítarlegu spjalli (23. desember)
Félagaskiptin í Pepsi-deildinni (5. desember)
Landsliðsliðið okkar (27. nóvember)
Landsliðsmálin í brennidepli (8.nóvember)
Umræða um Pepsi-deildina (10.október)
