Ekki eru allir sammála skilaboðum Gretu og virðist hún fara mjög mikið í taugarnar á stórum hópi fólks. Tommaso Casalini, yfirþjálfari akademíunnar hjá Grosseto á Ítalíu, er einn þeirra.

Casalini var rekinn úr starfi sínu í gær vegna pistils sem hann skrifaði á Facebook. Í pistlinum ræðst hann að Gretu og hugmyndum hennar með óviðeigandi orðbragði.

„Þjálfarinn hagaði sér ekki eftir gildum félagsins með þessari færslu og var þess vegna látinn fara," segir í yfirlýsingu frá Grosseto, sem leikur í D-deildinni.

Casalini segist dauðskammast sín fyrir pistilinn sem hann birti á veraldarvefnum og er búinn að biðjast afsökunar.