Fotbolti.net
01.10.19 - 17:42
Ívan Guðjón Baldursson

Helgi Sigurðsson ráðinn til ÍBV (Staðfest)

Ian Jeffs aðstoðarþjálfari

Helgi Sigurðsson ráðinn til ÍBV (Staðfest)
Canon

Mynd: Fótbolti.net - Hafliði Breiðfjörð

Helgi Sigurðsson hefur verið ráðinn þjálfari ÍBV en hann var kynntur til sögunnar á fréttamannafundi hjá félaginu nú rétt í þessu. Helgi skrifaði undir þriggja ára samning við félagið.
Helgi hefur undanfarin þrjú ár verið þjálfari Fylkis. Hann kom liðinu upp í efstu deild og festi liðið þar í sessi.

Stjórn Fylkis ákvað í lok nýliðins tímabil að skipta um þjálfara en óvíst er hver mun taka við Árbæjarliðinu.

ÍBV endaði í neðsta sæti Pepsi Max-deildarinnar í sumar. Portúgalinn Pedro Hipólito var rekinn á miðju tímabili og tók Ian Jeffs við stjórnartaumunum út tímabilið.

Jeffs verður aðstoðarmaður Helga en hann er einnig aðstoðarþjálfari kvennalandsliðsins.

Helgi er 45 ára gamall og er hann fyrrum landsliðsmaður. Áður en Helgi tók Fylki var hann aðstoðarþjálfari Víkings R. auk þess sem hann þjálfaði yngri flokka félagsins.

Á fréttamannafundinum talaði Helgi um líkindin sem eru á milli ÍBV í dag og Fylkis þegar hann tók við liðinu. Hann tók einnig fram að hann vill spila mikið á uppöldum leikmönnum.
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.