Bristol City hefur keypt varnarmanninn Tomas Kalas frá Chelsea. Sagt er að kaupverðið séu 8 milljónir punda sem gerir hann að dýrasta leikmanni í sögu Bristol City.
Þessi 26 ára gamli Tékki var í láni hjá Bristol á síðustu leiktíð og spilaði 41 leik í öllum keppnum.
Hann var hjá Chelsea í níu ár, en lék aðeins fjóra leiki fyrir aðalliðið á tíma sínum þar. Allir fjórir leikir hans komu undir stjórn Jose Mourinho 2013/14.
Hann skrifar undir fjögurra ára samning við Bristol City sem hafnaði í áttunda sæti Championship-deildarinnar á síðasta tímabili.
Athugasemdir