Fótbolti.net

Pablo Punyed um framtíðina: Það kemur í ljós

Matti Villa: Geggjaður endir á frábæru tímabili og mínum ferli

Sölvi um Pablo og Matta Villa: Þetta eru algjörir sigurvegarar

Túfa um Val: Miðað við allt sem ég er búinn að gera á ég þetta ekki skilið

Aron Sig stendur við ummæli sín: Sjá allir að við erum að fara taka yfir

Elmar Atli sár og svekktur: Að taka þessa ákvörðun í þessari stöðu er óskiljanlegt

Var afskaplega drjúgur fyrir KR í úrslitaleikjunum

Luke Rae um hasarinn: Það var ekkert alvarlegt

Eiði Aroni fannst liðið gefast upp - „Ekki sjón að sjá okkur eftir bikartitilinn"

Tilfinningarnar báru Hrannar ofurliði

Óskar Hrafn: Skrifað í skýin að við fengjum þetta verkefni til að leysa

Björn Daníel leggur skóna á hilluna: Blóðið orðið svart og hvítt

Rúnar: Það mun vera í sögubókunum

Maggi: Opinn fyrir því að halda áfram

Lárus Orri: Ég vissi að það væri verið að gera góða hluti hérna á Akranesi

Heimir kveður FH: Frábært að enda þetta með honum

Jón Þór: Alltof stór atvik í íslenskum fótbolta sem dómarastéttin er að klúðra

Ósáttur með hvernig ÍBV kláraði mótið - „Ákveðin vanvirðing“

Haddi: Okkur þyrstir að vera þar

Láki: Ákveðið að flýta þessum leik svo Haddi og KA-menn geti fengið sér snemma í kvöld

sun 02. október 2022 18:05

Sverrir Örn Einarsson

Jón Þór: Þetta var ævintýralegur leikur

Jón Þór Hauksson á hliðarlínunni í dag.

Mynd: Fótbolti.net - Jónína Guðjörg Guðbjartsdóttir

„Þetta var ævintýralegur leikur og að ég held stórskemmtilegur á að horfa. Mjög hraður og fullt af marktækifærum. Auðvitað hefðum við getað skorað miklu fleiri mörk í þessum leik en þetta var niðurstaðan og við náðum því ekki þrátt fyrir gullin tækifæri til þess. “ Sagði svekktur þjálfari ÍA Jón Þór Hauksson eftir 3-2 ósigur Skagamanna gegn Keflavík á HS Orkuvellinum fyrr í dag.

Lestu um leikinn: Keflavík 3 - 2 ÍA

Eitthvað var um umdeild atvik í leik dagsins. Keflavík fékk vítaspyrnu undir lok fyrri hálfleiks og vildu einhverjir sjá dæmda rangstöðu í aðdraganda hennar. Þá vildu Skagamenn fá vítaspyrnu í síðari háfleik þegar þeir töldu brotið á Gísla Laxdal innan teigs. Þar utan misnotuðu Skagamenn nokkur úrvals marktækifæri um þessi atvik sagði Jón Þór.

„Mér fannst við gera nóg til þess að vinna þennan leik. Strákarnir komu sér í margar frábærar stöður og áttum margar góðar sóknir. Fyrir mér er það púra víti þegar Gísli er sparkaður niður inn í vítateig en ég held að þaðan sem ég stóð hafi ekki verið rangstaða þegar Keflavík fékk vítaspyrnu þannig að ég held að það hafi verið hárréttur dómur. En ég hefði viljað víti hérna hinu megin og það er dýrt og enn eitt skiptið í sumar þar sem við töpum leik sem mér finnst við ekki þurfa að tapa og að mörgu leyti spiluðum frábærlega.“

Jón Þór sem hefur verið óhræddur við að breyta til í leikjum og gera þrefaldar og jafnvel fjórfaldar skiptingar í fyrri hálfleik ef því er að skipta gerði enga skiptingu í dag. Þó gerðist það tvívegis að menn voru klárir á hliðarlínunni og komnir úr upphitunargallanum þegar Jóni snerist hugur og hætti við að gera skiptingu.

„Það snerist um að Viktor er að koma til baka úr meiðslum ig við ætluðum ekkert að láta hann spila heilan leik en svo var hann bara að spila það vel og tengja okkar sóknarleik það vel saman. Við fáum tvö frábær færi eftir að við hættum við skiptingarnar og það kemur mikið í gegnum hann það var ástæðan. Þú tekur stundum af skarið og skiptir inn á og stundum sleppir þú því. Það er bara eins og það er og mér fannst engin ástæða til þess að breyta. Orkustigið var fínt enda vorum við að skapa okkur færi allan tímann.“

Sagði Jón Þór en allt viðtalið má sjá hér að ofan.