Jota fer að æfa að fullu í næstu viku - Styttist í Van Dijk

Portúgalinn Diogo Jota færist nær endurkomu og mun í næstu viku fara að æfa á fullu með Liverpool liðinu. Frá þessu greindi Jurgen Klopp, stjóri Liverpool, á fréttamannafundi í morgun.

„Meiðslastaðan er farin að líta betur út. Diogo Jota átti heila æfingu með liðinu í þessari viku en fór síðan í einstaklingsæfingar. Það var hluti af áætluninni. Hann mun snúa til baka á æfingar að fullu í næstu viku," segir Klopp.

Jota hefur ekki spilað deildarleik síðan í október en alls hefur hann aðeins náð fjórum deildarleikjum á tímabilinu vegna meiðsla.