Fótbolti.net

Jeffsy þétti raðirnar - „Bað hann um meira og hann svaraði kallinu"

Davíð Snær: Það er ekkert svo langt í okkur

Hafði möguleika á að fara annað - „Jeffsy með góða sýn á framtíð mína og liðsins"

Heimir Guðjóns: Erum ekkert að henda inn handklæðinu þó við lendum undir

Óskar Hrafn: Við afhentum þeim frumkvæðið

Helgi: Menn voru orðnir vel stýfir og þreyttir í seinni hálfleik

Þýðir ekki að vera með samsæriskenningar - „Vantar bara gæði"

Oliver Heiðars: Erum örugglega besta liðið í deildinni í að koma til baka

Rúnar Kristins: Áttum þetta ekkert skilið

Rúnar Páll: Menn verða að mæta tilbúnir í þennan slag

Mikið álag á KA - „Eitthvað sem við þurfum að draga lærdóm af"

Hallgrímur Mar: Illa gaman að spila þegar það er svona mikil stemning

Magnús Már: Við getum klárlega gert betur

Hemmi Hreiðars: Myndum vinna 99 af 100 svona leikjum

Vigfús Arnar: Mjög ánægður með karakterinn

Davið Smári harðorður: Á ekki að sjást í meistaraflokki karla

Nenad: Eitthvað er ég að gera rangt

Jón Þór: Það þarf að fagna sigrum þegar þeir koma

Rúnar Alex: Hefði ekki verið auðvelt fyrir mig eða pabba

Jói Berg: Er eitthvað skemmtilegra?

fös 03. mars 2023 16:40

@saebjornth

Sæbjörn Þór Þórbergsson Steinke

Hlynur Freyr: Rétta skrefið að koma heim í meistaraflokksbolta

Hlynur Freyr.

Mynd: Fótbolti.net - Hafliði Breiðfjörð

Fyrirliði.

Mynd: Fótbolti.net - Hulda Margrét

Hlynur Freyr Karlsson gekk í raðir Vals í síðasta mánuði og skrifaði undir samning út tímabilið 2025. Hann er uppalinn í Breiðabliki en hefur undanfarin ár verið á mála hjá Bologna á Ítalíu.

„Fyrstu vikurnar hafa verið geggjaðar, mér líst hrikalega vel á þetta og er virkilega ánægður. Mér leið eins og þetta væri rétta skrefið fyrir mig. Ég var að leita eftir meistaraflokksbolta var í U19 hjá Bologna. Ég var búinn að pæla í þessu í svolítinn tíma og taldi þetta vera rétta tímapunktinn," sagði Hlynur við Fótbolta.net í dag.

En af hverju Valur en ekki Breiðablik? „Addi náði að sannfæra mig mjög vel, mér leist virkilega vel á verkefnið og hvað þeir væru að pæla."

Hvernig metur hann samkeppnina hjá Val? „Ég vona að ég fái mikinn spiltíma, það er ekkert annað hægt að gera en að leggja hart að sér og svo sjáum við til - bara að keyra á þetta."

Hlynur fór til Bologna sem miðjumaður en spilar nú oftast sem hægri bakvörður. Hjá Val verður hann því í samkeppni við reynsluboltann Birki Má Sævarsson. „Það leggst vel mig, þetta verður alvöru samkeppni. Við þurfum bara að sjá til hvað gerist. Þegar ég kom til Vals horfði ég í að ég gæti lært fullt af honum og af fullt af öðrum leikmönnum."

Hlynur getur líka spilað á miðjunni og í miðverðinum. „Ég er til í að spila hvar sem, mig langar bara að spila fótbolta, en hægri bakvörðurinn er aðalstaðan mín."

Hlynur segir að þjálfararnir Addi Grétars og Siggi Höskulds séu búnir að hjálpa sér mjög mikið fyrstu þrjár vikurnar í Val.

Er erfitt að taka skrefið og koma heim?

„Nei, í sjálfu sér ekki. Mér fannst þetta rétt ákvörðun, fínt að koma heim í meistaraflokksbolta. Stefnan er að fara aftur út. Við sjáum til hvenær eða hvort það gerist. Núna ætla ég að einbeita mér að þessu tímabili og sjá hvað gerist, maður veit aldrei."

Hlynur er fyrirliði U19 ára landsliðsins sem er á leið í milliriðla fyrir EM í sumar. Liðið spilar þrjá leiki á Englandi seinna í þessum mánuði. „Ég er virkilega spenntur, get ekki beðið eftir að hitta alla strákana og spila með þeim. Þetta er geggjað lið og ég er virkilega spenntur fyrir því."

„Þetta var hörkuriðill sem við vorum í en við höfum alltaf trú á okkur. Við erum með geggjað lið og frábæra liðsheild. Ég var virkilega bjartsýnn fyrir forkeppnina síðasta haust."

Verandi fyrirliði er leiðtogahæfni einn af þínum styrkleikum?

„Ég myndi segja það, hraður, sterkur og kannski ágætis hægri löpp," sagði Hlynur að lokum.

Viðtalið í heild sinni má sjá í spilaranum efst. Þar má sjá Hlyn svara fleiri spurningum um tímann á Ítalíu.

Athugasemdir

Nýjustu fréttirnar