„Hundleiðinlegt að tapa“ sagði svekktur Rúnar Kristinsson, þjálfari Fram, eftir 4-2 tap gegn Vestra en liðin mættust í 3. umferð eftir tvískiptinguna í Bestu deild karla núna í dag.
Lestu um leikinn: Fram 2 - 4 Vestri
„Við vorum ekki góðir í fyrri hálfleik en við náðum að jafna. Það var ekki mikið í þessu. Menn voru tilbúnir að hlaupa fram á við og reyna spila fótbolta en menn voru ekki eins viljugir að hlaupa til baka.“
„Við eigum allt of margar feilsendingar í fyrri hálfleik og bara kærulausir. Fyrir vikið þá skora þeir hérna tvö nánast í uppbótartíma í lok fyrri hálfleiks þegar ég sem þjálfari og við viljum bara komast inn í hálfleikinn með 1-1 og laga hlutina og benda mönnum á.“
Hvernig var þá andrúmsloftið inn í klefanum í hálfleik eftir að hafa fengið tvö mörk í andlitið skömmu áður?
„Já við erum náttúrulega nýbúnir að tapa stórt og auðvitað var smá þung stemming og fúlt að fá þessi mörk á sig. En ég hafði fulla trú á því að við gætum komið út í seinni hálfleik ef menn myndu aðeins rísa upp á afturfæturnar og spila aðeins hraðar og bæta einhverjum 10-20% í sinn leik eða jafnvel meira þá gætum við snúið þessu við.“
Eftir tvö erfið töp í röð er þá mögulega fínt að fá landsleikjahlé til þess að liðið geti núllstillt sig?
„Nei nei ég hefði bara viljað klára þetta mót. Það er verið að draga þetta á langinn.
