Hrannar Snær Magnússon (Afturelding)
Hrannar var frábær í Mosó í gær.
Hrannar Snær Magnússon, leikmaður Aftureldingar, hefur sýnt í upphafi tímabils að Besta deildin er hans svið. Þessi 23 ára leikmaður er Sterkasti maður umferðarinnar, í boði Steypustöðvarinnar.
Nýliðar Aftureldingar rúlluðu yfir Stjörnuna 3-0.
„Hrannar átti frábæran leik á vinstri kantinum þar sem hann skoraði glæsilegt fyrsta mark leiksins og komst ítrekað inn fyrir vörn Stjörnunnar. Hrannar átti einnig stundum þátt í því að vinna boltann af Stjörnunni ofarlega á vellinum og með mark, frábær hlaup og almenna ógn var hann besti maður vallarins," segir Hilmar Jökull Stefánsson, fréttamaður Fótbolta.net, sem skrifaði um leikinn í Mosfellsbænum.
Nýliðar Aftureldingar rúlluðu yfir Stjörnuna 3-0.
„Hrannar átti frábæran leik á vinstri kantinum þar sem hann skoraði glæsilegt fyrsta mark leiksins og komst ítrekað inn fyrir vörn Stjörnunnar. Hrannar átti einnig stundum þátt í því að vinna boltann af Stjörnunni ofarlega á vellinum og með mark, frábær hlaup og almenna ógn var hann besti maður vallarins," segir Hilmar Jökull Stefánsson, fréttamaður Fótbolta.net, sem skrifaði um leikinn í Mosfellsbænum.
Hann er í liði umferðarinnar í annað sinn en gegn Víkingi nýlega þá skoraði hann sigurmarkið af vítapunktinum, úr vítaspyrnu sem hann krækti sjálfur í.
Hrannar var eðlilega kampakátur eftir leikinn í gær.
„Bara geðveik tilfinning, alvöru mæting í stúkuna eins og á síðasta heimaleik. Það hjálpar okkur gríðarlega í svona leikjum og strákarnir sýndu alvöru frammistöðu í dag," sagði Hrannar.
Liðið var bara búið að skora eitt mark í deildinni fyrir þennan leik. Hvað breyttist hjá liðinu í þessum leik?
„Mér finnst við vera með meira sjálfstraust í sóknarleiknum. Við erum búnir að vera að fá fullt af færum í síðustu leikjum en erum ekki búnir að vera nógu grimmir inni í teignum, svo er þetta að koma núna.“
Frábær leikur hjá Hrannari sem er á sínu fyrsta tímabili í efstu deild. Hvernig er tilfinningin að spila í Bestu-deildinni?
„Stórkostleg tilfinning og ég er ótrúlega sáttur hvernig þetta er búið að ganga í fyrstu leikjunum og það er bara áfram gakk næsti leikur.“
Leikmenn umferðarinnar:
4. umferð - Bjarki Björn Gunnarsson (ÍBV)
3. umferð - Jónatan Ingi Jónsson (Valur)
2. umferð - Guðmundur Magnússon (Fram)
1. umferð - Rúnar Már Sigurjónsson (ÍA)
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 17 | 10 | 4 | 3 | 44 - 23 | +21 | 34 |
| 2. Víkingur R. | 17 | 9 | 5 | 3 | 31 - 20 | +11 | 32 |
| 3. Breiðablik | 17 | 9 | 5 | 3 | 29 - 22 | +7 | 32 |
| 4. Fram | 17 | 7 | 4 | 6 | 26 - 22 | +4 | 25 |
| 5. Stjarnan | 17 | 7 | 4 | 6 | 30 - 28 | +2 | 25 |
| 6. Vestri | 17 | 7 | 2 | 8 | 16 - 15 | +1 | 23 |
| 7. ÍBV | 17 | 6 | 3 | 8 | 16 - 24 | -8 | 21 |
| 8. Afturelding | 17 | 5 | 5 | 7 | 20 - 25 | -5 | 20 |
| 9. FH | 17 | 5 | 4 | 8 | 28 - 25 | +3 | 19 |
| 10. KA | 17 | 5 | 4 | 8 | 17 - 32 | -15 | 19 |
| 11. KR | 17 | 4 | 5 | 8 | 37 - 40 | -3 | 17 |
| 12. ÍA | 17 | 5 | 1 | 11 | 18 - 36 | -18 | 16 |
Athugasemdir
