Roy Keane og Gary Neville voru gestir í Off The Ball Roadshow spjallþættinum. Keane er ekki þekktur fyrir að tala undir rós og lét hann ýmsa hluti flakka í þættinum.
Hann gagnrýndi meðal annars stjórnarhætti Sir Alex Ferguson harðlega á meðan Neville sat þögull við hlið hans.
„Ég var hjá félaginu þegar Bryan Robson fór. Ég var hjá félaginu þegar Steve Bruce fór. Þeir eru goðsagnir hjá Man United en mér líkar ekki vel við hvernig var farið með þá," sagði Keane.
„Svo kemur Fergs og segir 'ég hef alltaf gert það sem er best fyrir United'. Það er kjaftæði. Sonur hans spilaði fyrir félagið og vann úrvalsdeildina. Darren. Mjög heppinn. Bróðir hans var yfirnjósnari hjá Man Utd í langan tíma. Ég er hissa að konan hans hafi ekki verið í starfsteyminu."
Keane og Ferguson hafa átt í deilum og tjáði Keane sig um ósættið. Hann segist ekki ætla að tala við Ferguson fyrr en hann og David Gill, fyrrum framkvæmdastjóri Man Utd, fá afsökunarbeiðni frá honum.
"And Ferguson came out afterwards: 'I always did what was best for United.' Nonsense! His son played for the club and won a league medal..."
— Off The Ball (@offtheball) September 5, 2019
Roy Keane did not pull any punches talking about Sir Alex Ferguson l @cadburyireland #Cadburyfc
Full #mufc chat: https://t.co/v4YGHvj2wx pic.twitter.com/HrcP0smnEj
Athugasemdir
