Neymar gæti endað hjá Barcelona
Eric Abidal, yfirmaður íþróttamála hjá Barcelona, hefur ýjað að því að félagið ætli sér að ræða við Paris Saint-Germain um kaup á brasilíska framherjanum Neymar í sumar.
Neymar fór frá Barcelona til PSG sumarið 2016 fyrir metfé en leikmaðurinn gerði allt sem hann gat til að yfirgefa franska félagið í sumar.
Barcelona og PSG ræddu saman um leikmanninn síðasta sumar en ekkert varð af skiptunum.
Abidal viðurkennir þó að Neymar myndi styrkja Barcelona og gaf hann þar í skyn að félögin gætu byrjað að ræða aftur saman í sumar.
„Ég er fullkomlega sammála. Barcelona væri afar stolt af því að fá að þjálfa leikmann eins og Neymar og aðra sem eru í sama gæðaflokki og hann," sagði Abidal við Mundo Deportivo.
Neymar hefur skorað 15 mörk og lagt upp önnur tíu í aðeins átján leikjum á þessu tímabili.
Athugasemdir
