Spánn: Bellingham skoraði en það dugði skammt

Enski miðjumaðurinn Jude Bellingham skoraði tólfta deildarmark sitt fyrir Madrídinga á 53. mínútu er hann fékk háa sendingu inn í teiginn, tók boltann á bringuna áður en hann lagði boltann í netið.

Bellingham tók hefðbundna fagnið sitt og sendi síðan stuðningsmönnum Betis fingurkoss.

Þrettán mínútum síðar jafnaði Aitor Ruibal með þrumuskoti fyrir utan teig. Ruibal smellhitti boltann og átti Kepa Arrizabalaga aldrei möguleika á að koma í veg fyrir þetta glæsilega mark.

Real Madrid heldur toppsætinu með þessu stigi en þó aðeins skammt því Girona á leik á morgun, að vísu gegn Barcelona, en liðið fær samt sem áður tækifæri til að komast aftur á toppinn.

Sevilla lagði þá Mallorca, 1-0, á meðan Real Sociedad vann öruggan 3-0 sigur á Villarreal.

Úrslit og markaskorarar:

Betis 1 - 1 Real Madrid
0-1 Jude Bellingham ('53 )
1-1 Aitor Ruibal ('66 )

Mallorca 1 - 0 Sevilla
1-0 Cyle Larin ('11 )

Alaves 0 - 1 Las Palmas
0-1 Kirian Rodriguez ('31 )

Villarreal 0 - 3 Real Sociedad
0-1 Mikel Merino ('38 )
0-2 Martin Zubimendi ('41 )
0-3 Takefusa Kubo ('45 )