Van Dijk meiddist illa eftir tæklinguna og spilar líklega ekki mikið á þessu tímabili - ef eitthvað.

Van Dijk var rangstæður þegar Pickford braut á honum en fram kemur á Sky Sports að Oliver hefði samt sem áður getað rekið hann af velli fyrir fólskulegt brot.

Michael Oliver var dómari á leiknum og hann sagði við Daily Mail: „Við hefðum getað dæmt rangstöðu og rekið Pickford út af. Það sem kom mér á óvart þegar ég skoðaði þetta aftur var að það var ekki búist við því á vellinum að ég myndi gefa rautt spjald; enginn af leikmönnunum bað um það."

„Við hugsuðum of mikið um að að taka þetta skref fyrir skref, en ekki um heildarmyndina. Við hefðum átt að dæma rangstöðuna en veita Pickford öðruvísi refsingu."

Oliver segist vera fylgjandi því að hafa VAR, myndbandsdómarakerfið, í ensku úrvalsdeildinni.