Spænski knattspyrnustjórinn Rafa Benitez er mættur til Kína þar sem hann er tekinn við Dalian Yifang.
Benitez hætti hjá Newcastle í síðasta mánuði. Benítez sagðist hafa viljað vera áfram hjá Newcastle en í bréfi sem hann skrifaði kemur fram að hugmyndafræði hans hafi ekki verið eins og hjá félaginu.
Hann er búinn að vera í rúma viku í Kína og er hann ánægður með byrjunina. Hann segir að samskiptin við stjórnarmenn Dalian séu allt önnur en þau samskipti sem hann átti við æðstu aðila Newcastle á tíma sínum þar.
„Ég verð að segja það að ég hef átt fleiri fundi með stjórnarformanninum, forsetanum og framkvæmdastjóranum í þessari viku en ég átti á þremur árum hjá Newcastle," skrifar Benitez í bloggi sínu.
Mike Ashley, eigandi Newcastle, er hataður af stuðningsmönnum félagsins og vilja þeir ekkert heitar en að losna við manninn.
Á meðan Benitez nýtur tíma síns í Kína er Newcastle að leita að nýjum knattspyrnustjóra. Steve Bruce, stjóri Sheffield Wednesday, þykir líklegastur í augnablikinu.
Blog - From China - My first seven days - what an experience! https://t.co/m44Q6X87nd #Blog #Dalian #China #Experience
— Rafa Benitez Web (@rafabenitezweb) July 9, 2019
Athugasemdir