St. Louis City er komið áfram í 16 liða úrslit Leagues Cup í Ameríku en Orlando City er úr leik eftir vítaspyrnukeppni.
Nökkvi Þeyr Þórisson var í byrjunarliði St. Louis sem vann Portland Timbers 3-1. Hann var tekinn af velli á 72. mínútu þegar staðan var enn 1-1.
Dagur Dan Þórhallsson lék allan leikinn þegar Orlando City tapaði gegn mexíkóska liðinu Cruz Azul eftir vítaspyrnukeppni.
Bæði lið klikkuðu á sinni fyrstu spyrnu og skoruðu úr næstu fjórum. Það var í höndum Dags að taka sjöttu spyrnu Orlando en markvörður Cruz Azul varði frá honum og mexíkóska liðið tryggði sér sigur þegar Uriel Antuna skoraði úr sjöttu spyrnu liðsins.
Athugasemdir
