Rayo Vallecano lagði Celta Vigo í eina leik kvöldsins í spænsku La Liga.

Rayo komst yfir snemma leiks þegar að Raul De Tomas skoraði beint úr aukaspyrnu. De Tomas átti eftir að koma meira við sögu.

Celta Vigo jafnaði leikinn á 13. mínútu þegar að Nestor Araujo skoraði eftir að frákast barst til hans í teignum.
Maximiliano Gomez bætti við marki fyrir gestina þegar að hann skoraði úr vítaspyrnu á 18. mínútu.

Raul De Tomas jafnaði leikinn á 37. mínútu þegar hann komst einn gegn markmanni. Markið þurfti að skoða með VAR en var dæmt gott og gilt að lokum.

De Tomas var aftur á ferðinni á 77. mínútu þegar hann fékk sendingu inn í teig og kláraði vel. Fyrrum leikmaður Manchester United, Bebe, skoraði svo síðasta mark leiksins og Vallecano, en hann hafði komið inn á sem varamaður tæpum tuttugu mínútum áður.

Rayo Vallecano nálgast öruggt sæti en Celta Vigo mistókst að fjarlægast fallpakkann. Hér að neðan má sjá stöðuna í deildinni