Eiður Smári: Lífið komið núna í röð og reglu

„Ég held að þetta verði skemmtilegt. Við erum enn að raða upp hugmyndum um hvernig við getum skemmt fólki sem mest næsta vetur. Auðvitað er þetta stærsta deild í heimi og ég er virkilega spenntur," segir Eiður.

Eins og flestir vita er hann einnig aðstoðarþjálfari U21-landsliði Íslands.

„Það leið aðeins of langur tími eftir ferilinn að koma lífinu í röð og reglu. Það hefur verið mikið flakk á mér og ég hef tekið að mér hin og þessi verkefni. Loksins er ég kominn í starf sem hefur meiri röð og reglu. Þetta er það sem ég ætla að gera á næstu árum og nú verð ég ekki lengur í ferðatösku," segir Eiður.

Eið þarf ekki að kynna fyrir landsmönnum enda átt magnaðan feril með Chelsea, Barcelona, íslenska landsliðinu og fleiri liðum. Hann hyggst nýta sambönd sín í starfinu fyrir símann.

„Við verðum bæði í stúdíói á Íslandi og verðum úti. Ég hugsa um að ég muni eitthvað nýta mín sambönd úti og vonandi getum við gert eitthvað skemmtilegt úr því."

Sjáðu viðtalið við Eið í heild sinni hér að ofan en þar ræðir hann meðal annars um enska boltann og baráttuna sem er í gangi þar.