fim 11. júlí 2019 20:21
Brynjar Ingi Erluson
Brewster skoraði tvö í sex marka sigri Liverpool
Rhian Brewster skoraði tvö fyrir Liverpool en hér fagnar hann ásamt James MIlner
Rhian Brewster skoraði tvö fyrir Liverpool en hér fagnar hann ásamt James MIlner
Mynd: Getty Images
Divock Origi átti skemmtilega móttöku áður en hann skoraði
Divock Origi átti skemmtilega móttöku áður en hann skoraði
Mynd: Getty Images
Tranmere Rovers 0 - 6 Liverpool
0-1 Nathaniel Clyne ('6 )
0-2 Rhian Brewster ('38 )
0-3 Rhian Brewster ('45 )
0-4 Curtis Jones ('54 )
0-5 Divock Origi ('60 )
0-6 Bobby Duncan ('67 )

Liverpool vann Tranmere Rovers 6-0 í fyrsta leik liðsins á undirbúningstímabilinu. Enski táningurinn Rhian Brewster skoraði tvö.

Nathaniel Clyne kom Liverpool yfir á 6. mínútu með föstu hægri fótar skoti eftir sendingu frá Rhian Brewste.

Brewster átti sjálfur eftir að koma nóg við sögu en hann skoraði á 38. mínútu. James Milner átti þá sendingu yfir á hægri vænginn, þar var Harry Wilson mættur til að vippa honum á hausinn á Brewster sem skoraði.

Enski táningurinn var aftur á ferðinni undir lok fyrri hálfleiks en Milner átti þá skot sem var varið út í teiginn og þar var Brewster mættur til að klára færið.

Það var nýtt byrjunarlið í þeim síðari en það virtist ekki skipta máli því Liverpool hélt áfram að skora. Curtis Jones gerði fjórða markið áður en Meistaradeildarhetjan Divock Origi kom sér á blað og kom Liverpool í 5-0. Bobby Duncan, frændi Steven Gerrard, gerði svo sjötta markið af stuttu færi eftir frábæran undirbúning Ki-Jana Hoever.

Lokatölur 6-0 fyrir Liverpool í fyrsta leik á undirbúningstímabilinu.



Athugasemdir
banner
banner
banner
banner